کینسر جیسے موذی مرض میں مبتلا ٹیلی ویژن سے بالی وڈ تک کا سفر طے کرنے والی نامور اداکارہ حنا خان کی نئی تصاویر دیکھ کر مداحوں کی آنکھیں بھر آئیں۔
انڈین میڈیا کی رپورٹس کے مطابق جون میں حنا خان کی جانب سے اسٹیج تھری کینسر میں مبتلا ہونے کا اعلان ہر کسی کیلیے دھچکا تھا۔ اداکارہ تب سے زیرِ علاج ہیں اور وقتاً فوقتاً مداحوں کیلیے تازہ تصاویر اور ویڈیوز شیئر کرتی ہیں۔
گزشتہ روز حنا خان نے انسٹاگرام پر دو عدد ایسی تصاویر پوسٹ کیں جنہیں دیکھ کر ہر کوئی چونک گیا۔ تصاویر میں اداکارہ اسپتال کی راہداری میں ہاتھوں میں پیشاب کی تھیلی اور آئی وی ڈرپ لیے چل رہی ہیں۔
View this post on Instagram
حنا خان نے انسٹاگرام پوسٹ کے کیپشن میں لکھا کہ ’ان راستوں کے ذریعے میں زندگی کی روشنی کی طرف بڑھ رہی ہوں‘۔ انہوں نے چاہنے والوں کا شکریہ ادا کیا اور دعاؤں کی درخواست کی۔
نومبر میں حنا خان بگ باس 18 میں بطور مہمان خصوصی نظر آئیں جہاں سُپر اسٹار سلمان خان نے نہ صرف ان کی حوصلہ افزائی کی بلکہ ان سے جذبات سے بھرپور گفتگو بھی کی تھی جس وہ کافی متاثر ہوئیں۔
بعدازاں اداکارہ نے سلمان خان کے ساتھ دلکش تصاویر شیئر کرتے ہوئے ان کا شکریہ ادا کرتے ہوئے لکھا تھا کہ ان کے ساتھ ملاقاتوں سے ہمیشہ کچھ نہ کچھ سیکھا ہے لیکن اس بار ملاقات مختلف تھی۔
’سلمان خان نے ملاقات میں میری بیماری اور علاج سے متعلق ہر چھوٹی تفصیل معلوم کی اور میرا حوصلہ بڑھانے کی کوشش کی۔ ان کا یہ انداز میرے لیے بے مثال تھا، انہوں نے یقین دلایا کہ میں 1000 فیصد ٹھیک ہو جاؤں گی۔‘
