پشاور : پی ٹی آئی رہنما شوکت یوسفزئی کا کہنا ہے کہ حکومت نے مذاکرات نہ کئے تو سول نافرمانی کا آغاز 14 دسمبر سے ہو جائے گا۔
تفصیلات کے مطابق پی ٹی آئی رہنما شوکت یوسفزئی نے اپنے بیان میں کہا ہے کہ حکومت نے مذاکرات نہ کئے تو سول نافرمانی کا آغاز 2روز بعد ہو جائے گا، آغاز سمندر پار پاکستانیوں سے ہوگا۔
شوکت یوسفزئی کا کہنا تھا کہ حکومتی وزرا مذاکرات کے حوالے سے غیرسنجیدہ بیانات دے رہے ہیں۔
رہنما پی ٹی آئی نے کہا کہ 26 نومبر کے بعد سے پارٹی میں اختلافات نہیں اورنہ ورکرزکےحوصلے پست ہوئے، بانی پی ٹی آئی آج بھی کسی جگہ بھی دھرنے کی کال دیں تو سب لبیک کہیں گے۔
انھوں نے بتایا کہ پی ٹی آئی کو ختم کرنے کے دعویدار دیکھ لیں آج ن لیگ ،پی پی ختم ہورہی ہیں ، وفاقی حکومت نے تحریک انصاف کو دبانے کیلئے ساری توانائی صرف کردی۔
ان کا مزید کہنا تھا کہ پشاور کا گورنر ہاؤس سازشوں کا گڑھ بن چکا ہے، تحریک انصاف نے سول نافرمانی تحریک کیلئے تیاریاں مکمل کرلی ہیں۔
