شوبز انڈسٹری کی معروف اداکارہ نیلم منیر گزشتہ رواز دبئی میں رشتہ ازدواج میں منسلک ہوئیں جس کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ پر گزشتہ روز اداکارہ نیلم منیر نے نکاح کی تصاویر شیئر کیں جو سوشل میڈیا پر زیر گردش ہیں تاہم مداح ان کے شوہر کے بارے میں جاننے کے لیے بے تاب ہیں کہ وہ کون ہیں اور کس پیشے سے وابستہ ہیں۔
تاہم اب مداحوں کا انتظار ختم ہوگیا ہے کہ کیونکہ ان کے شوہر کی تفصیلات منظرعام پر آگئی ہیں۔
یوٹیوبر یاسر شامی نے اپنے سوشل میڈیا اکاؤنٹ پر ایک ویڈیو شیئر کرتے ہوئے نیلم منیر کے شوہر کے حوالے سے کئی تفصیلات شیئر کی ہیں۔
View this post on Instagram
یاسر شامی کا دعویٰ ہے کہ نیلم منیر کے شوہر کا نام محمد راشد ہے جو دبئی پولیس کے سی آئی ڈی ڈپارٹمنٹ میں کام کرتے ہیں۔
نیلم منیر اور محمد راشد نے پسند کی شادی کی ہے، شادی کی تقریب گزشتہ ماہ منعقد ہوئی جس کی تصاویر اب جاری کی گئی ہیں۔
View this post on Instagram
یوٹیوبر نے اداکارہ کے شوہر کی ملازمت کے حوالے سے دعویٰ کرتے ہوئے بتایا کہ نیلم منیر کے شوہر دبئی پولیس میں ہیں اور اگر دبئی پولیس کے موجود اہلکاروں کا تجربہ 2 سے 3 سال کا ہو تو ان کی تنخواہ 13ہزار درہم ہوتی ہے، جو ( پاکستانی 10 لاکھ روپے) بنتی ہے۔
View this post on Instagram
یوٹیوبر کا کہنا ہے کہ دبئی کے پولیس اہلکار سے شادی کے بعد نیلم منیر کو اب دبئی کے شاپنگ مالز میں اچھا خاصا ڈسکاؤنٹ بھی ملے گا، عام طور پر دبئی اپنے ملک میں شادی کرنے والی لڑکیوں کو شہریت نہیں دیتا، اس کے بجائے انکو گولڈن ویزہ دیا جاتا ہے جو کہ دبئی میں مستقل سکونت اختیار کرنے پر مستقبل میں شہریت میں بھی بدل سکتا ہے لیکن اگر ان دونوں کے بچے ہوں گے تو انہیں دبئی کی شہریت ہی ملے گی۔
