کراچی: سولجر بازار نشتر پارک کے قریب شہری سے 16 سیکنڈ میں 2 لاکھ سے زائد مالیت کی موٹر سائیکل چھن گئی۔
تفصیلات کے مطابق کراچی کے علاقے سولجر بازار نشتر پارک کے قریب محض سولہ سیکنڈ میں موٹر سائیکل چھیننے کی واردات ہوئی ہے، جس کی فوٹیج اے آر وائی نیوز نے حاصل کر لی ہے۔
فوٹیج میں دیکھا جا سکتا ہے کہ کس طرح فلمی انداز میں چلتی سڑک پر سیکنڈوں میں لٹیروں نے کیسے موٹر سائیکل چھین لی اور بہ آسانی فرار ہو گئے۔
فوٹیج میں شہری کو نئی موٹر سائیکل پر دیکھا جا سکتا ہے، شہری جیسے ہی رکا، 3 لٹیرے پیچھے سے آ گئے، جو کہ دو موٹر سائیکلوں پر سوار تھے، ایک نے موٹر سائیکل آگے لگائی اور دو برابر میں رکے۔
کراچی : غیرقانونی کال سینٹر کا مالک 6 کارندوں سمیت گرفتار، خوفناک حقائق سامنے آگئے
فوٹیج کے مطابق لٹیروں نے بغیر اسلحہ دکھائے شہری سے بائیک چھینی، اور واردات کے بعد تینوں ملزمان الگ الگ موٹر سائیکلوں پر فرار ہو گئے، چھینی گئی موٹر سائیکل کی قیمت 2 لاکھ 5 ہزار روپے سے زائد ہے۔
