اسلام آباد : ساڑھے چار سال بعد قومی ایئرلائن کی یورپ میں بحالی کے بعد پی آئی اے کی پہلی پرواز پیرس سے اسلام آبادپہنچ گئی۔
تفصیلات کے مطابق قومی ایئرلائن ( پی آئی اے ) کا یورپ میں پروازیں بحال ہوگئیں ، پیرس سے پہلی پرواز مسافروں کو لے کر اسلام آباد پہنچ گئی۔
می پروازپی کے 750 صبح 7 بجکر 24 منٹ پر اسلام آبادانٹرنیشنل ائیرپورٹ پرلینڈ ہوئی ، پرواز کے ذریعے پیرس سے 316 مسافروں کو پاکستان لایا گیا۔
فرانس سے پاکستان روانگی کے وقت مسافر انتہائی پرجوش تھے، اسلام آباد روانہ ہونے والے مسافروں نے یورپ میں پی آئی اے کےفلائٹ آپریشن کی بحالی کوخوش آئند قرار دیا۔
پیرس ائیرپورٹ پر خصوصی تقریب ہوئی اور کیک بھی کاٹا گیا، اس سے قبل پروازپی کےسیون فور نائن اسلام آباد سے پیرس پہنچی تو شانداراستقبال کیا گیا، اس موقع پر سفارتخانے کے عملے اور اوورسیزپاکستانیوں نے مسافروں کا خیرمقدم کیا۔
مزید پڑھیں : پی آئی اے کا ساڑھے 4 سال بعد یورپ کیلئے فلائٹ آپریشن بحال، پہلی پرواز روانہ
گذشتہ روز پیرس روانگی کے وقت اسلام آباد ایئرپورٹ پر بھی خصوصی تقریب سجائی گئی تھی ، وزیرہوا بازی خواجہ آصف نے فیتہ کاٹا اور مسافروں کورخصت کیا تھا۔
تقریب سے خطاب کرتے ہوئے خواجہ آصف نے کہا تھا کہ آج تاریخی دن ہے۔ پیرس کے براہِ راست پروازوں کا پھر آغاز ہورہا ہے، یورپی یونین کی سیفٹی ایجنسی کے شکرگزارہیں کہ انہوں نے ہمیں جانچا اور پروازوں کی اجازت دی۔
آئندہ دنوں میں برطانیہ اور امریکا کیلئے بھی براہِ راست پروازوں کا آغازہوگا، پی آئی اے اپنا کھویا ہوا مقام حاصل کرے گی۔
