شوبز انڈسٹری کے معروف اداکار گوہر رشید کے نکاح نامے پر دستخط کی ویڈیو گزشتہ روز وائرل ہوئی تھی جس کی حقیقت سامنے آگئی ہے۔
اداکار گوہر رشید کی نکاح خواہ، حمزہ علی عباسی اور دیگر اداکاروں کے درمیان بیٹھے ویڈیو وائرل ہورہی ہے جس میں وہ نکاح نامے پر دستخط کرتے دکھائی دیے تھے جس پر شوبز ویب سائٹ پر افواہیں گردش کرنے لگیں کہ یہ اداکار کے نکاح کی ویڈیو ہے۔
یہ ویڈیو اس وقت سامنے آئی جب سوشل میڈیا پر گوہر رشید اور کبریٰ خان کی شادی کی خبریں گردش کررہی ہیں اور کہا جارہا کہ آئندہ ماہ دونوں شادی کے بندھن میں بندھ جائیں گے۔
تاہم گزشتہ روز وائرل ہونے والی ویڈیو اداکار حمزہ علی عباسی اور نیمل خاور کے نکاح کی تقریب کی ہے جس میں گوہر رشید نے بطور گواہ دستخط کیے تھے۔
واضح رہے کہ چند روز قبل گوہر نے ویڈیو شیئر کی تھی جس میں وہ کبریٰ خان کسی شادی کی تقریب میں ڈانس پریکٹس کررہے تھے۔
انہوں نے لکھا تھا کہ ’بسم اللہ الرحمن الرحیم، 2025 کا آغاز ہوگیا، یہ وارمنگ اپ سیشن ہے۔‘
