پاکستان اور ویسٹ انڈیز کے درمیان دو ٹیسٹ میچوں کی سیریز کا کل سے آغاز ہو رہا ہے سیریز کے لیے میچ آفیشلز کا اعلان کر دیا گیا ہے۔
پاکستان اور ویسٹ انڈیز کے درمیان دو ٹیسٹ میچوں پر مشتمل سیریز کا کل سے آغاز ہو رہا ہے۔ دونوں ٹیسٹ میچز ملتان میں کھیلے جائیں گے۔
آئی سی سی نے سیریز کے لیے میچ آفیشلز کا اعلان کر دیا ہے اور پی سی بی نے اس کی تفصیلات اپنے انسٹا گرام آفیشل اکاؤنٹ پر جاری کر دی ہیں۔
پہلے ٹیسٹ میچ کے لیے آسٹریلیا کے راڈنی ٹکر اور انگلینڈ کے رچرڈ کیٹلبرو آن فیلڈ امپائرز ہونگے۔ آسٹریلیا کے پال رائفل تھرڈ امپائر اور فیصل آفریدی فورتھ امپائر ہونگے۔
دوسرے ٹیسٹ میں پال رائفل اور راڈنی ٹکر آن فیلڈ امپائر ہونگے۔ رچرڈ کیٹلبرو تھرڈ امپائر جب کہ راشد ریاض قمر فورتھ امپائر کی ذمہ داری نبھائیں گے۔
View this post on Instagram
سیریز میں سری لنکا کے رنجن مدوگالے آئی سی سی میچ ریفری ہوں گے۔
واضح رہے کہ ویسٹ انڈیز 19 سال بعد ٹیسٹ سیریز کھیلنے کے لیے پاکستان آئی ہے۔ پہلا ٹیسٹ میچ 17 سے 21 جنوری جب کہ دوسرا اور آخری ٹیسٹ میچ 25 سے 29 جنوری تک ملتان اسٹیڈیم میں کھیلا جائے گا۔
ویسٹ انڈیز سے ٹیسٹ سیریز: پاکستان نے جیت کیلیے کیا منصوبہ بنایا ہے؟
