حکومتی کمیٹی نے علی امین گنڈاپور کے بیان کو جوابی خط کا حصہ بنانے کا فیصلہ کرلیا ہے، وزیراعلیٰ نے کہا تھا ہمارے کچھ لوگ گمراہ ہوگئے تھے۔

تفصیلات کے مطابق حکومت پی ٹی آئی مذاکرات میں نیا موڑ آگیا ہے، ذرائع نے بتایا کہ وزیر اعلیٰ خیبرپختونخوا علی امین گنڈاپور 9مئی کے واقعات میں پاکستان تحریک انصاف کے ارکان کا ملوث ہونا تسلیم کرچکے ہیں۔

وزیراعلیٰ کےپی علی امین گنڈاپور نے کمیٹی کے تیسرے اجلاس میں اعتراف کیا، علی امین گنڈاپور نے تسلیم کیا ہمارے کچھ لوگ گمراہ ہوگئے تھے۔

ذرائع نے علی امین گنڈاپور کے گفتگو کے حوالے سے مزید بتایا کہ وزیراعلیٰ کے پی کا مؤقف تھا کہ جتنا جرم ہوا سزا اتنی ہونی چاہیے۔

اس سلسلے میں ذرائع کا مزید کہنا تھا کہ علی امین گنڈا پور کہہ چکے اپنے کارکنوں سے لاتعلق نہیں رہ سکتے، حکومتی کمیٹی علی امین گنڈاپور کے اعترافی بیان کو جواب کا حصہ بنائے گی۔