آئی سی سی چیمپئنز ٹرافی کے ٹکٹ فروخت کرنے والی ویب سائٹ صارفین کے زیادہ رش کی وجہ سے کریش کر گئی۔
آئی سی سی چیمپئنز ٹرافی کا 19 فروری سے پاکستان میں آغاز ہو رہا ہے۔ میگا ایونٹ کے ٹکٹوں کی فروخت کل (منگل) کی دوپہر آن لائن شروع کی گئی تھی۔ تاہم فروخت شروع ہونے کے کچھ دیر بعد ہی ویب سائٹ کریش کر گئی۔
میڈیا رپورٹ کے مطابق آن لائن زیادہ رش کی وجہ سےفروخت عارضی طور پر رک گئی ہے اور کرکٹ شائقین کو ٹکٹوں کی فروخت میں مشکلات کا سامنا ہے۔
واضح رہے کہ منگل کی دوپہر چیمپئنز ٹرافی کے پاکستان میں شیڈول میچز کے ٹکٹوں کی آن لائن فروخت شروع ہوئی تھی اور ٹکٹ خریدنے کے منتظر شائقین اس لمحے کا بے چینی سے انتظار کر رہے تھے۔
ٹکٹوں کی فروخت شروع ہوتے ہی صارفین کے رش کے باعث ویب سائٹ کے سرورز بیٹھے گئے اور ٹکٹوں کی خریداری میں خلل پیدا ہو گیا۔ تاہم ویب سائٹ نے سرورز کی تعداد بڑھانے کا کام شروع کر رکھا ہے۔
آن لائن ٹکٹ خریدنے والے شائقین فزیکل ٹکٹس تین فروری سے نجی کوریئر کمپنی کے دفاتر سے حاصل کرسکیں گے۔
View this post on Instagram
