کراچی: وفاقی اُردو یونیورسٹی کے اساتذہ اور ملازمین نے پینشن اور واجبات کی عدم ادائیگی کیخلاف کراچی پریس کلب پر احتجاجی مظاہرہ کیا۔
اے آر وائی نیوز کے مطابق وفاقی اُردو یونیورسٹی کے اساتذہ اور ملازمین نے اس موقع پر پریس کلب سے گورنر ہاؤس تک احتجاجی مارچ بھی کیا۔
مظاہرین نے کراچی پریس کلب پر احتجاج میں بینرز اور پلے کارڈز اٹھا رکھے تھے اور مطالبات کے حق میں شدید نعرے بازی کررہے تھے۔
احتجاجی مظاہرین کا کہنا تھا کہ واجبات اور پینشن کی ادائیگی انتہائی تاخیر کا شکار ہوچکی ہے۔
کنوینر ریٹائرڈ ملازمین کمیٹی ڈاکٹر توصیف کا کہنا تھا کہ کئی ماہ سے پینشن سے محروم بعض ملازمین بروقت علاج نہ ملنے کے سبب دنیا سے رخصت ہوچکے ہیں۔
بابائے اُردو ڈاکٹر مولوی عبدالحق ؒ کی علمی کاوشیں
ملازمین نے گورنر ہاؤس پہنچ کر بیل آف ہوپ کا بھی استعمال کیا، جہاں گورنر ہاؤس کے عملے نے مظاہرین کی جانب سے دی جانے والی درخواست وصول کی جبکہ ڈاکٹر توصیف احمد کی سربراہی میں تین رکنی وفد نے گورنر ہاؤس جا کر تحریری یاداشت گورنر ہاؤس کے عملے کو پیش کی۔
