کراچی: ڈیڑھ سال قبل اپنی رشتہ دار سے بھاگ کر پسند کی شادی کرنے والے فیکٹری چوکیدار کو قتل کردیا گیا۔
تفصیلات کے مطابق پولیس کا کہنا ہے کہ 19 سالہ عمران منگھو پیر کی فیکٹری میں چوکیدار تھا، مقتول بنارس کا رہائشی ہے جس کا آبائی تعلق خیبرپختونخوا سے تھا۔
پولیس کا کہنا ہے کہ ملزمان نے سال سے بند ماربل فیکٹری میں گھس کر چوکیدار کو قتل کیا، مقتول نے ڈیڑھ سال قبل اپنی رشتہ دار سے بھاگ کر شادی کی تھی۔
پولیس کا مزید کہنا ہے کہ ڈیڑھ سال قبل عمران کے بھائی کو بھی قتل کیا گیا تھا، عمران کا قتل ذاتی رنجش کا شاخسانہ لگتا ہے، واقعے کی تفتیش جاری ہے۔
15 سالہ ٹک ٹاکر لڑکی کا قتل ، قاتل کون نکلا؟
دوسری جانب کوئٹہ میں منع کرنے کے باوجود ٹک ٹاک ویڈیو بنانے پر 15 سالہ لڑکی حرا کو باپ اور ماموں نے قتل کردیا، بلوچی اسٹریٹ کے رہائشی انوار الحق نے بیٹی کو ماموں سے فائرنگ کرواکر قتل کیا۔
پولیس نے لڑکی کے باپ اور ماموں کو گرفتار کرلیا اور دوران تفتیش ملزمان نے اعتراف جرم کرلیا ہے، پولیس نے ملزمان کے خلاف مقدمہ درج کر کے کیس سیریس کرائم انویسٹگیشن وونگ کے حوالے کردیا ہے۔
