کمرشل گاڑیوں کے لیے سندھ میں نئے موٹر وہیکل فٹنس سرٹیفکیٹس جاری کرنے کا اعلان کر دیا گیا۔
محکمہ ٹرانسپورٹ اینڈ ماس ٹرانزٹ، حکومتِ سندھ 15 جنوری سے بار کوڈز سمیت سیکیورٹی خصوصیات کے ساتھ نئے موٹر وہیکل فٹنس سرٹیفکیٹ جاری کرے گی۔
حفاظتی خصوصیات کے ساتھ نئے گاڑیوں کے فٹنس سرٹیفکیٹس محفوظ، اور اقتصادی طور پر موثر ہوں گے۔
نئے فٹنس سرٹیفیکٹ گاڑیوں کی فٹنس کے معیار کو برقرار رکھنے، ممکنہ حفاظتی مسائل کو حل کرنے، حادثات کے خطرے کو کم کرنے میں اہم کردار ادا کرے گا۔
سیکورٹی فیچرز والا فٹنس سرٹیفیکٹ ٹریفک کی بھیڑ اور سڑک کے حادثات کو کم کرنے میں مدد کرے گا جب کہ گاڑیوں کی مناسب دیکھ بھال اور آلودگی میں کمی میں مدد ہوگی اور حکومت کی آمدنی میں اضافہ ہوگا۔
قانون نافذ کرنے والے ادارے ,ضلعی انتظامیہ، ٹریفک پولیس، نیشنل ہائی ویز اور موٹرویز پولیس سیکیورٹی فیچرز والے فٹنس سرٹیفیکٹ چیک کریں گے۔
نئے سیکیورٹی فیچرز والا فٹنس سرٹیفیکٹس نہ ہونے کی صورت میں ڈرائیورز کے خلاف ضروری کارروائی کی جا سکتی ہے۔
