امریکا میں گزشتہ روز تباہ ہونے والے بدقسمت مسافر طیارے میں ایک نوجوان سوار نہ ہوسکا جس کی وجہ سے اس کی جان بچ گئی۔
امریکا کے دارالحکومت واشنگٹن کے قریب گزشتہ روز مسافر طیارے اور فوجی ہیلی کاپٹر کے فضا میں تصادم کے نتیجے میں جہاز میں سوار تمام مسافر اور عملہ ہلاک ہوگیا۔
تاہم اس طیارے نے ایک مسافر کو ساتھ لیے بغیر اڑان بھری تھی، جس کی وجہ سے وہ خوش قسمت نوجوان لقمہ اجل بننے سے محفوظ رہا اور اس کی وجہ بھی انتہائی حیران کن ہے۔
غیر ملکی میڈیا کے مطابق یہ خوش نصیب نوجوان سنو بورڈنگ میں امریکی جونیئر کانسی کا تمغہ جیتنے والے مارا ویلا ہے۔ یہ نوجوان بھی والدین اور اپنے کوچز کے ہمراہ اس جہاز کا مسافر تھا تاہم اس کے کتے کی جسامت کی وجہ سے حکام نے پالتو کتے کو جہاز میں سوار کرانے سے انکار کر دیا تھا۔
کتے کو ساتھ نہ لے جانے دینے پر مارا ویلا نے خود بھی سفر ترک کر دیا اور جہاز میں سوار نہ ہوا اور یہی اس کی خوش قسمتی رہی کیونکہ جہاز کچھ ہی دیر بعد حادثے کا شکار ہو کر اپنے تمام مسافروں سمیت دریا برد ہوگیا۔
نوجوان نے بتایا کہ اس حادثے میں اس کے والدین، کوچز سمیت کم از کم 14 سنو بورڈرز سوار تھے۔ تاہم اس نے واقعہ کو المیہ قرار دیتے ہوئے کسی کا نام نہیں بتایا۔
واشنگٹن میں فضائی حادثہ ایک المیہ ہے کوئی زندہ نہیں بچ سکا، امریکی صدر ٹرمپ
