جلال پور پیر والا میں مردہ قرار دیا گیا مغوی شخص زندہ گھر واپس آگیا جسے دیکھ کر گھر والے خوش ہوگئے۔
تفصیلات کے مطابق جلال پور پیر والا میں مغوی کی ڈاکوؤں کے چنگل سے چھوٹ کر گھر پہنچنے پر خوشی کی لہر دوڑ گئی، گزشتہ دنوں مغوی کی موت کی خبر پر اس کی غائبانہ نماز جنازہ بھی ادا کی گئی تھی۔
بازیاب شخص کا کہنا ہے کہ ڈھائی ماہ تک کچے کے ڈاکوؤں نے یرغمال بنا کر تشدد کیا، موت کی جھوٹی خبر میرے گھر بھیجی گئی، پولیس اور دیگر قانون نافذ کرنے والے اداروں کی کارروائی میں بازیاب ہوا۔
