اسلام آباد : پاکستان تحریک انصاف کے رہنما شوکت یوسفزئی کا کہنا ہے کہ الیکشن میں پی ٹی آئی کے 35 کے قریب ارکان اسمبلی نے حلف نامہ دے کر کامیابی کا نوٹی فکیشن لیا۔
تفصیلات کے مطابق پاکستان تحریک انصاف کے رہنما شوکت یوسفزئی نے اے آر وائی نیوز کو خصوصی انٹرویو میں کہا کہ پی ٹی آئی کے35لوگوں نے حلف نامے دےکرجیت کےنوٹیفکیشن لئے، میں بھی11بجےتک جیت گیا تھا پھرڈی سی نےکہا حلف نامہ دے دیں۔
رہنما پی ٹی آئی نے بتایا کہ پوچھاحلف نامہ کیاہوتاہے،ڈی سی نےکہااسکےبغیرنوٹیفکیشن نہیں ہوگا، حلف نامہ اس بات کاتھاکہ بعدمیں ہم جو کہیں گے آپ وہی کریں گے، جس پر میں نے کہا ایسے کاغذ کو نہیں مانتے، ووٹ پی ٹی آئی کا ہو ، بات کسی اور کی مانوں۔
ان کا کہنا تھا کہ ظاہر ہے حلف نامہ دے کر جیتنے والے لوگ بعد میں سمجھوتہ کرتے ہیں۔
26 نومبر احتجاج سے متعلق سوال پر پاکستان تحریک انصاف کے رہنما نے کہا کہ 26 نومبر کو 2مختلف سوچیں نظرآنے پر پی ٹی آئی قیادت کی کمزوری نظرآئی، پارٹی قیادت نے کیوں پہلے روڈ میپ نہیں دیاکہ کہاں جاناہے۔
انھوں مزید کہا کہ انکوائری ہونی چاہیے سنگجانی جانے یا نہ جانے کی بات کیسے اور کیوں ہوئی، جب بانی پی ٹی آئی کہہ رہے ہیں سنگجانی کا نہیں کہا تو پھر کس نے شوشہ چھوڑا، کیا سنگجانی کا شوشہ بیرسٹرگوہر نے دیا یا سیف نے اپنے پاس سےکہہ دیا۔
