بھارت میں بیوی شوہر کا گردہ 10 لاکھ میں فروخت کرکے آشنا کے ساتھ فرار ہوگئی۔
بھارتی میڈیا رپورٹ کے مطابق مغربی بنگال کے ہاوڑہ ضلع میں یہ واقعہ سامنے آیا جہاں خاتون نے شوہر کو گردہ فروخت کرنے پر مجبور کیا اور پھر رقم لے کر بوائے فرینڈ کے ساتھ بھاگ گئی۔
پولیس کا بتانا ہے کہ خاتون نے شوہر کو یہ یقین دہانی کروائی کہ گردہ فروخت کردے گا تو خاندان کی مالی پریشانیاں ختم ہوجائیں گی اور بیٹی کی شادی کے اخراجات بھی باآسانی پورے کرلیے جائیں گے۔
شوہر نے جیسے کہ گردہ فروخت کیا تو بیوی 10 لاکھ روپے کی نقد رقم لے کر بوائے فرینڈ روی داس کے ساتھ بھاگ گئی جبکہ اس کی روی سے ملاقات فیس بک پر ہوئی تھی۔
شوہر کو دھوکا دہی کا علم ہوا تو اس نے پولیس سے رجوع کیا۔
پولیس نے دونوں کو ڈھونڈ نکالا اور وہ اس مقام پر پہنچ گئے جہاں وہ عاشق کے ساتھ چھپی ہوئی تھی بیوی نے شوہر سے بات کرنے سے انکار کیا اور طلاق کی دھمکی دی۔
سسر، ساس ، شوہر اور بچوں کی منت سماجت کے باوجود بیوی ان سے بات کرنے کے لیے گھر سے باہر نہیں نکلی۔
اس صورت حال پر شوہر پریشان ہوگیا اور انصاف کے لیے پولیس سے مدد طلب کی۔
واضح رہے کہ بھارت میں انسانی اعضا کی فروخت 1994 سے غیر قانونی ہے لیکن ڈاکٹروں کا خیال ہے کہ عطیہ دہندگان کی کمی کی وجہ سے انسانی اعضا کی فروخت جاری ہے۔
