قومی کرکٹر حسن علی کی دبئی جمیرا میں فیملی کے ساتھ سیر و تفریح کے ساتھ تصاویر وائرل ہوگئیں۔
پاکستان ٹیم کے فاسٹ بولر حسن علی کی شادی بھارت سے تعلق رکھنے والی سامعہ خان سے ہوئی جوڑے کی دو بیٹیاں ہیلینا اور ہیزل ہیں۔
حال ہی میں وہ اہلیہ اور بیٹیوں کے ساتھ دبئی میں طویل چھٹیوں سے لطف اندوز ہورہے ہیں۔
انہوں نے دبئی کے مختلف دلکش مقامات سے تصاویر شیئر کیں، حسن علی کی اہلیہ سامعیہ نے جمیرہ بیچ دبئی سے دلکش تصاویر شیئر کیں جس میں بیٹیاں بھی موجود ہیں۔
سامعہ نے گزشتہ روز یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ایک انٹرویو میں حسن علی نے شادی کو کامیاب بنانے کے لیے اپنی اہلیہ کی قربانیوں کا اعتراف کرتے ہوئے بتایا تھا کہ ان کی اہلیہ نے دبئی میں اپنی فضائی کمپنی کی ملازمت چھوڑی اور ان کے ساتھ پاکستان منتقل ہوگئیں۔
View this post on Instagram
ایک سوال کے جواب میں انہوں نے واضح کیا کہ ان کی اہلیہ کے پاس اب بھی بھارت کی شہریت ہے لیکن وہ اب ان کے ہمراہ پاکستان میں ہی مقیم ہیں۔
انہوں نے اہلیہ کی قربانیوں کا اعتراف کیا اور کہا کہ ان کی بیوی نے ان کی خاطر دبئی چھوڑا اور پاکستان منتقل ہوئیں، اب انہیں دو بچے ہیں اور وہ کامیاب شادی شدہ زندگی گزار رہے ہیں۔
حسن علی نے بتایا کہ گزشتہ برس کرکٹ ورلڈ کپ کے دوران وہ سسرال بھی گئے اور انہوں نے وہاں اچھا وقت گزارا تھا۔
View this post on Instagram
