کراچی: پاکستان میں سونے کی قیمت میں اضافے کے گزشتہ تمام ریکارڈ ٹوٹنے کے بعد آج سونے کے بھاؤ میں کمی ریکارڈ ہوئی۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 900 روپے کم ہوکر2 لاکھ 98 ہزار 700 روپے کا ہوگیا۔
اسی طرح 10 گرام سونے کا بھاؤ 772 روپے کی کمی کے ساتھ 2 لاکھ 56 ہزار 87 روپے ہوگیا۔
عالمی مارکیٹ میں بھی سونے کی قیمت میں کمی کا رجحان دیکھنے کو ملا، 9 ڈالر کمی کے بعد 2859 ڈالر فی اونس کا ہوگیا۔
واضح رہے کہ گزشتہ کاروباری روز کے دوران سونے کی فی تولہ قیمت 1900 روپے اضافے کے بعد 2 لاکھ 94 ہزار 300 روپے کی بلند ترین سطح پر پہنچ گئی تھی۔
اسی طرح 10 گرام سونے کی قیمت بھی 1629 روپے اضافے سے 2 لاکھ 52 ہزار 314 روپے پر پہنچ گئی تھی۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
صدر ٹرمپ کا ٹیرف : پاکستان میں سونے کی قیمت کہاں تک پہنچنے کا امکان ہے؟
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
