امریکا نے اسرائیل کو سات اعشاریہ چار ارب ڈالر سے زائد مالیت کے میزائل، بم اور دیگر ہتھیاروں کے فروخت کی منظوری دے دی۔
یو ایس ڈیفنس سیکیورٹی کوآپریٹو ایجنسی کا کہنا ہے محکمہ خارجہ نے اسرائیل کو چھ اعشاریہ پچھتر ارب ڈالر مالیت کے بم، گائیڈنس کٹس اور فیوزز جبکہ چھاسٹھ کروڑ ڈالرکے ہیل فائر میزائلز فروخت کرنے کی منظوری دی۔
امریکی میڈیا کا کہنا ہے محکمہ خارجہ نے کانگریس کے جائزے کے بغیر اسرائیل کو اسلحہ فروخت کرنے کی منظوری دی ہے۔
ڈی ایس سی اے کا کہنا ہے اسرائیل کو اسلحہ کی فروخت علاقائی خطرات کا مقابلہ کرنے کی ضرورت کو پورا کرے گی، بائیڈن انتظامیہ نے اسرائیل کو بیس ارب ڈالرکے اسلحے کی فروخت کی منظوری دی تھی۔
سات اکتوبر 2023 کے حماس کے دہشت گرد حملے میں اسرائیل کے مطابق 1200 افراد ہلاک اور لگ بھگ 250 کو یرغمال بنایا گیا تھا جب کہ حماس کے زیرِ انتظام غزہ کی وزارتِ صحت کا کہنا ہے کہ اسرائیلی حملوں میں 47 ہزار سے زیادہ فسلطینی ہلاک ہوئے ہیں۔
فریقین کے درمیان گزشتہ ماہ سے شروع ہونے والی جنگ بندی کے بعد تنازع میں تعطل آیا ہے جس کے نتیجے میں یرغمالوں اور اسرائیلی جیلوں میں قید فلسطینیوں کی رہائی کا عمل جاری ہے۔
