کراچی : امریکا سے سویا بین کی درآمد کے بعد مرغی کی قیمتوں میں کمی کا امکان ہے ، سویا بین کی درآمد پر پابندی سے فیڈ مہنگی ہوگئی تھی۔
تفصیلات کے مطابق پاکستان میں سویا بین کی درآمد کا آغازہوگیا،قانون سازی ہونے کے بعد 2 سال میں پہلا جہاز پورٹ قاسم پرلنگرانداز ہوا۔
امریکا سےسویابین کی درآمد کے بعد مرغی کی قیمتوں میں کمی کاامکان ہے ، سویابین کی درآمدپرپابندی سےفیڈمہنگی ہوگئی تھی اور خوراک مہنگی ہونےسے مرغی کی قیمتوں میں مسلسل اضافہ ہوتا رہا۔
کراچی میں پورٹ قاسم کے ایف اے پی ٹرمینل پر ہونے والی تقریب سے خطاب میں امریکی قونصل جنرل اسکاٹ اربوم نے کہا کہ امریکی سویابین پر پابندی سے پاکستان میں مرغی اور انڈے مہنگے ہوئے۔
پاکستان انوائرمنٹ پروٹیکشن ایجنسی کی ڈی جی فرزانہ الطاف کا کہنا تھا کہ جینٹک موڈیفائڈ سویابین کی درآمد کے حوالے پارلیمنٹ نے قانون پاس کیا ہے، جس کے بعد سویا بین کی درآمد کی اجازت دی گئی ہے ۔
سولوینٹ ایسوسی ایشن کے چیئرمین شین محمود نے کہا کہ دو سال پاکستان نے منگی ترین سویا بین خریدی ہے جس سے اضافہ قیمتی زرمبادلہ خرچ کرنا پڑا تھا۔
نجی ادارے کے ریجنل ڈائریکٹر کیون رویپ کا کہنا تھا کہ پاکستان میں غذائی قلت ہے جس کی وجہ سے 40 فیصد بچوں کی نشوونما متاثر ہورہی ہے۔
