سہ فریقی سیریز کے فائنل میں نیوزی لینڈ کے خلاف بابر اعظم آؤٹ ہوتے ہی افسردہ ہوگئے۔
کراچی کے نیشنل بینک اسٹیڈیم میں کھیلے جارہے سہ فریقی سیریز کے فائنل میچ میں پاکستان کی ٹیم 242 رنز بنا کر آل آؤٹ ہوئی اور کیویز کو 243 رنز کا ہدف دیا جس کے تعاقب میں کیویز کی بیٹنگ جاری ہے۔
تاہم بابر اعظم نے 34 گیندوں پر 29 رنز بنائے اور ان کی اننگ میں 4 چوکے اور ایک چھکا شامل تھا۔
بابر کی بیٹنگ دیکھ کر لگ یہی رہا تھا کہ آج وہ لمبی اننگز کھیلیں گے لیکن وہ اسمتھ کو چوکا مارنے کے بعد اگلی ہی گیند پر بولر کو ہی کیچ دے بیٹھے۔
ویڈیو میں دیکھا جاسکتا ہے کہ بابر کو خود بھی یقین نہیں آیا کہ وہ آؤٹ ہوگئے ہیں اور وہ کچھ دیر وکٹ پر افسردہ کھڑے ہے اور بیٹ بھی ہاتھ سے چھوڑ دیا۔
واضح رہے کہ بابر اعظم سہ فریقی سیریز کے تین میچوں میں خاطر خواہ کارکردگی نہ دکھا سکے اور صرف 10، 23 اور 29 رنز بنا کر آؤٹ ہوگئے۔
یہ پڑھیں: بابر اعظم کو کس نمبر پر بیٹنگ کرنی چاہیے؟ محمد حفیظ نے بتا دیا
19 فروری سے شروع ہونے والی آئی سی سی چیمپئنز ٹرافی میں بابر اعظم کو بطور اوپنر کھلایا جائے گا جس کی سابق کرکٹر محمد حفیظ سمیت دیگر مخالفت کررہے ہیں۔
سماجی رابطے کی ویب سائٹ ایکس پر محمد حفیظ نے لکھا کہ بابر اعظم کو نمبر تین پر کھیلنا چاہیے اور ٹیم انتظامیہ کو اسپیلشسٹ اوپنر عبداللہ شفیق، امام الحق یا پھر شان مسعود کے ساتھ جانا چاہیے۔
