پاکستان شوبز انڈسٹری کی معروف اداکارہ سجل علی کو انارکلی روپ میں دیکھ کر پرستار حیران رہ گئے۔
سجل علی پاکستان کی سپر اسٹار ہیں، معروف اداکارہ کا شمار شوبز انڈسٹری کی ان اداکاراؤں میں ہوتا ہے جو کسی بھی ڈرامے میں کام کریں تو اسے مقبولیت کی بلندیوں پر پہنچا دیتی ہیں۔
انہوں نے پاکستان کے علاوہ بالی ووڈ انڈسٹری میں بھی کام کرکے ملک کا سر فخر سے بلند کیا ہے، انہوں نے اپنی قابلیت سے کئی سپر ہٹ ڈرامے دیئے، اداکارہ کو تمغہ امتیاز سے بھی نوازا گیا ہے۔
View this post on Instagram
اداکارہ سجل علی نے حال ہی میں فوٹو اینڈ شیئرنگ ایپ انسٹاگرام پر ایک پوسٹ شیئر کی جس میں انہیں ایک نئے لُک میں دیکھا جا سکتا ہے۔
اداکارہ نے مشہور زمانہ انار کلی کا لک اپنایا ہے جو ہندوستان کے شہنشاہ اکبر کے شاہی محلات کی ایک حسینہ تھیں جس پر ان کے چاہنے والوں کی جانب سے تعریفی کمنٹس کا سلسلہ جاری ہے۔
اداکارہ کی جانب سے شیئر کی گئی تصاویر کو ان کے مداحوں کی جانب سے خوب پذیرائی مل رہی ہے، جبکہ کمنٹ سیکشن بھی تعریفوں سے بھرچکا ہے۔
View this post on Instagram
اس سے قبل مشہور و معروف اداکارہ سجل علی کی ویڈیو انسٹاگرام پر مداحوں کی توجہ کا مرکز بن گئی تھی۔
واضح رہے کہ اداکارہ نے اے آر وائی ڈیجیٹل کے مقبول ڈرامہ سیریل ’صنف آہن‘ میں رابعہ سفیر کا کردار ادا کیا تھا، اس کے علاوہ بالی ووڈ فلم ’موم‘ میں آنجہانی اداکارہ سری دیوی کے ساتھ اداکاری کے جوہر دکھائے تھے۔
ان کے انسٹاگرام فالوورز کی تعداد 10 ملین سے زائد ہے، وہ سوشل میڈیا پر کافی متحرک رہتی ہیں اور مداحوں کو گاہے بگاہے اپنے نئے پروجیکٹس سے متعلق بتاتی رہتی ہیں۔
