واشنگٹن : امریکی صدر ڈونلڈ ٹرمپ نے غیر قانونی طور پر امریکا آنے والے غیر ملکیوں کیخلاف اہم فیصلہ کرلیا، جس کے تحت اب وہ امریکا میں داخل نہیں ہوسکیں گے۔
غیر ملکی خبر رساں ادارے کی رپورٹ کے مطابق ٹرمپ انتظامیہ نے سرحدوں پر ہیلتھ ایمرجنسی عائد کرنے کا فیصلہ کیا ہے۔
صدرٹرمپ نے اقتدار میں آنے کے بعد قوم سے ملکی سرحدوں پر ہیلتھ ایمرجنسی عائد کرنے کا وعدہ کیا تھا۔
امریکی میڈیا کے مطابق مذکورہ ہیلتھ ایمرجنسی کے تحت میکسیکو کی سرحد سے تارکین وطن کو داخل نہیں ہونے دیا جائے گا۔
ٹرمپ نے اپنے پہلے دور حکومت میں بھی کورونا وائرس کے دوران ہیلتھ ایمرجنسی نافذ کی تھی، اس دوران ٹرمپ کی ہیلتھ ایمرجنسی کو ’ٹائٹل 42‘ کا نام دیا گیا تھا۔
وبائی امراض پھیلنے کے خدشے کے پیش نظر ’ٹائٹل 42‘ کے تحت تارکین وطن کو امریکا میں داخل نہیں ہونے دیا جاتا تھا۔
یاد رہے کہ گزشتہ دور حکومت میں بائیڈن انتظامیہ نے ٹرمپ کی ہیلتھ ایمرجنسی ’ٹائٹل 42‘ دو سال پہلے ختم کردیا تھا۔
اس حوالے سے ٹرمپ انتظامیہ کا کہنا ہے کہ تارکین وطن کی آمد سے ملک میں بیماریاں پھیلنے کا خدشہ ہے، ہیلتھ ایمرجنسی کے بعد تارکین وطن امریکا میں غیرقانونی طور پر داخل نہیں ہوسکیں گے۔
مزید پڑھیں : ’زیلنسکی ڈکٹیٹر ہے، یوکرین کو دی گئی امداد میں 100 ارب ڈالر غائب ہیں‘
صدر ٹرمپ نے اپنی سوشل میڈیا پوسٹ میں سب سے حیران کن بیان میں یوکرینی صدر کو ڈکٹیٹر قرار دیا ہے۔ ٹرمپ نے گزشتہ سال یوکرین میں انتخابات کی معطلی کو تنقید کا نشانہ بنایا، جو ابھی تک مارشل لاء کے تحت ہے۔
امریکی صدر ڈونلڈ ٹرمپ کا کہنا ہے کہ یوکرین کے لیے دی گئی 100 بلین ڈالر کی امریکی امداد ’غائب‘ ہے۔ یوکرین کے رہنما کے خلاف ٹرمپ کے طنز میں یہ دعویٰ بھی شامل ہے کہ زیلینسکی نے اعتراف کیا کہ ہم نے انہیں جو رقم بھیجی ہے اس میں سے نصف ‘غائب’ ہے۔
