آئی سی سی ٹیکنیکل کمیٹی کی منظوری کے بعد زخمی فخر زمان کی جگہ امام الحق کو پاکستانی اسکواڈ میں شامل کر لیا ہے۔
آئی سی سی چیمپئنز ٹرافی کے افتتاحی میچ میں نیوزی لینڈ کے خلاف فیلڈنگ کے دوران زخمی ہوکر میگا ایونٹ سے باہر ہونے والے جارح مزاج اوپنر فخر زمان کی جگہ امام الحق کو پاکستانی اسکواڈ میں شامل کر لیا ہے۔
فخر زمان کے ٹورنامنٹ سے آؤٹ ہونے کے بعد پی سی بی نے امام الحق کا نام متبادل کے طور پر آئی سی سی کی ٹیکنیکل کمیٹی کو بھیجا تھا۔ کمیٹی کی منظوری کے بعد اب امام الحق کو باقاعدہ اسکواڈ کا حصہ بنا دیا گیا ہے۔
آئی سی سی ٹیکنیکل کمیٹی میں پاکستان کرکٹ بورڈ کے عثمان واہلہ، وسیم خان، سارا ایڈگر اور شان پولاک شامل ہیں۔
واضح رہے کہ چیمپئنز ٹرافی میں بھارت سے اگلے مقابلے کے لیے پاکستان ٹیم یو اے ای روانہ ہو گئی ہے۔ امام الحق ٹیم کو دبئی میں جوائن کر لیں گے۔
پاک بھارت ٹاکرا اتوار 23 فروری کو دبئی کرکٹ اسٹیڈیم میں ہوگا۔
چیمپئنز ٹرافی: ٹکٹ کی قیمت ’’صرف ایک کروڑ 52 لاکھ‘‘، مگر کس میچ کا؟
