اقوام متحدہ کی سلامتی کونسل میں یوکرین پر نیوٹرل قرارداد پر ووٹنگ آج ہوگی۔
غیر ملکی میڈیا رپورٹ کے مطابق روس مخالف مغربی ممالک کے مقابلے میں نیوٹرل قرارداد کا مسودہ امریکا پیش کرے گا، مسودہ میں یوکرین پر روسی حملے کے بجائے روس یوکرین تنازع کے الفاظ کا استعمال کیا جائیگا۔
مسودے میں یوکرین پر روسی حملے کے بجائے روس یوکرین تنازعہ کے الفاظ کا استعمال کیا گیا ہے، امریکی صدارتی مشیر مائیک والٹز کا کہنا ہے کہ یوکرین پالیسی تبدیل کی جارہی ہے، امداد کی ترجیحات پر نظرِ ثانی کرنا ہو گی جس میں یوکرین کی اسٹریجیک وسائل کی فروخت سے متعلق ڈیل بھی شامل ہے۔
دوسری جانب یوکرین کے صدر زیلنسکی نے امن کیلئے صدارت چھوڑنے کی پیشکش کردی، انہوں نے کہا کہ یوکرین کو نیٹو کا رکن بنادیں تو مستعفی ہوجاؤں گا۔
زیلنسکی نے امریکی صدر ڈونلڈ ٹرمپ پر کڑی تنقید کرتے ہوئے کہا کہ جنگ پر خرچ پانچ سو ارب ڈالر تو کیا سو ڈالر بھی نہیں مانتا، روس کے خلاف جنگ کیلئے بائیڈن انتظامیہ سے رقم امداد کے طور پر لی تھی، ایسی ڈیل نہیں کروں گا جس کی ادائیگی دس نسلوں کو بھگتنا پڑے۔
انہوں نے مزید کہا کہ کسی کو بات پسند آئے یا نہیں لیکن امداد کی واپسی زمے داری نہیں ہوتی، ساتھ ہی یوکرین صدر نے نیٹو کی رکنیت کے حق میں دستبرادی کی بھی پیشکش کرتے ہوئے کہا کہ اگر یوکرین میں امن قائم ہوتا ہے صدارت چھوڑنے کے لیے تیار ہوں۔
