اسلام آباد: وفاقی وزیر صحت سید مصطفیٰ کمال نے اپنے عہدے کا چارج سنبھال لیا۔
محکمے کے ترجمان کے مطابق وزارت صحت آمد پر وفاقی سیکریٹری ہیلتھ ندیم محبوب اور وزارت کے سینئر حکام نے وفاقی وزیر صحت کا استقبال کیا، وزارت کا قلم دان سنبھالنے کے بعد وفاقی وزیر صحت مصطفیٰ کمال نے اہم اجلاس کی صدارت کی۔
ترجمان وزارت صحت کے مطابق وفاقی وزیر صحت کو صحت کے امور سے متعلق تفصیلی بریفننگ دی گئی، جس میں پی ایم ڈی سی، ڈریپ، پاکستان نرسنگ کونسل، پولیو اور اسپتالوں کی ورکنگ سے متعلق بریفننگ شامل تھی۔ اجلاس میں فیڈرل سیکریٹری ہیلتھ ندیم محبوب، اسپیشل سیکریٹری ہیلتھ، ایڈیشنل سیکریٹری ہیلتھ، ڈی جی ہیلتھ اور دیگر سینئر افسران موجود تھے۔
بریفننگ کے بعد وفاقی وزیر صحت مصطفیٰ کمال نے افسران سے خطاب کرتے ہوئے کہا اللہ پاک کو اپنی مخلوق سے بہت پیار ہے، خدا کی مخلوق کے کام آنا سب سے بڑی عبادت ہے، صحت کی وزارت ایسا ادارہ ہے جس سے کروڑوں عوام کی زندگیاں وابستہ ہیں۔ انھوں نے کہا ہمارے کیے جانے والے فیصلوں کے اثرات بالواسطہ اور بلا واسطہ عوام پر پڑتے ہیں، اس بات کو یقینی بنائیں گے کہ ہمارے فیصلوں اور اقدامات سے عوام کی زندگی پر اچھے اثرات رونما ہوں۔
نیب کے سینئر افسر وقاص احمد کی پراسرار موت کا معمہ پوسٹ مارٹم میں حل نہ ہو سکا، حکام کا اہم فیصلہ
واضح رہے کہ وفاقی وزیر ریلوے حنیف عباسی نے بھی وزارت ریلوے کا چارج سنبھال لیا ہے، انھوں نے اجلاس کی صدارت کرتے ہوئے کہا ریلوے کو مستحکم اور متحرک ادارہ بنانے کے لیے اس کی آمدنی میں اضافے اور اخراجات میں کمی لائی جائے گی۔ انھوں نے ہدایت کی کہ کسی بھی حادثے سے بچنے کے لیے نگرانی کے آلات نصب کرنے پر ور دیا جائے۔
