بھارتی اداکار اور فلمساز ایان مکھرجی کے والد، دیب مکھرجی، 83 برس کی عمر میں فانی دنیا کو خیر باد کہہ گئے۔
بھارتی میڈیا کا کہنا ہے کہ بھارتی اداکار دیب مکھرجی طویل علالت کے بعد جمعہ کی صبح ممبئی میں واقع اپنے گھر میں جان کی بازی ہار گئے۔
اُن کے خاندان کی جانب سے جاری بیان میں بتایا گیا ہے کہ ”ہمیں یہ اطلاع دیتے ہوئے بے حد افسوس ہو رہا ہے کہ دیب مکھرجی اس دنیا میں اب نہیں رہے“۔ان کی آخری رسومات ممبئی کے علاقے جوہو میں ادا کی گئیں۔
دیب مکھرجی نے 1960 اور 1970 کی دہائی میں کئی فلموں میں معاون کردار ادا کیے، جن میں ”تو ہی میری زندگی”، ”دو آنکھیں ”، ”باتوں باتوں میں ”، ”جو جیتا وہی سکندر” اور ”کنگ انکل” شامل ہیں۔
اس کے علاوہ، انہوں نے 1983 میں ”کراٹے” نامی فلم کی ہدایتکاری کی، جس میں متھن چکرورتی، کاجل کرن اور یوگیتا بالی نے مرکزی کردار ادا کیے تھے۔
ان کی والدہ، ستی دیوی، مشہور اداکار اشوک کمار، انوپ کمار اور کشور کمار کی واحد بہن تھیں۔ دیب کے بھائی، فلمساز شومو مکھرجی، نے بالی وڈ اداکارہ تنوجا سے شادی کی، جو کہ کاجول کی والدہ ہیں۔
دیب مکھرجی کا تعلق مشہور مکھرجی خاندان سے تھا۔ وہ فلم ساز آشوتوش گواریکر کے سسر اور معروف بالی وڈ اداکارائیں کاجول اور رانی مکھرجی کے چچا تھے۔
سابقہ اہلیہ نے عامر خان کیلیے پیغام جاری کر دیا
ان کی آخری رسومات میں خاندانی افراد اور قریبی دوستوں، بشمول کاجول، رانی مکھرجی، جیا بچن، عالیہ بھٹ، رنبیر کپور، ہریتھک روشن اور دیگر نے شرکت کی اور انہیں خراج عقیدت پیش کیا۔
