کراچی : شاہراہ نور جہاں پر پھل فروش پر تشدد کرکے مفت پھل لینے والے پولیس اہلکاروں معطل کردیا گیا ، پولیس اہلکار نے پھل فروش کو اس کی بیٹی کے سامنے گالیاں اور دھمکیاں دیں اور تشدد کا نشانہ بنایا تھا۔
تفصیلات کے مطابق کراچی کے علاقے شاہراہ نور جہاں کی حدود میں پولیس اہلکاروں کی جانب سے پھل فروش پر تشدد کا واقعہ سامنے آیا۔
اہلکار نے پیسے دیے بغیر خربوزہ اٹھایا تو پھل فروش نے کہا پوچھ کر تو اٹھاؤ، جس پر اہلکار نے بدتمیزی سے کہا تیرے سامنے ہی تو اٹھایا ہے، کون سا اپنے گھر لے جارہا ہوں۔
پولیس اہلکار نے پھل فروش کو اس کی بیٹی کے سامنے گالیاں اور دھمکیاں دیں اور تشدد کا نشانہ بنایا، ویڈیو وائرل ہوئی تو ایس ایس پی سینٹرل نے پولیس موبائل میں موجود تمام اہلکاروں کو معطل کردیا۔
معطل ہونیوالوں میں کانسٹیبل ظفر، ذوالفقار، نسیم، اور ڈرائیور عبداللہ شامل ہیں، ایس ایس پی سینٹرل نے معطل اہلکاروں کیخلاف مزید محکمانہ کارروائی کیلئے انکوائری کا حکم دے دیا۔
ایس ایس پی سینٹرل نے کہا کہ پولیس موبائل میں موجوداہلکاروں کیخلاف سخت کارروائی کی جائے گی۔
