مسجد نبوی ﷺ میں پاکستان سے عمرہ ادائیگی کے لیے جانے والے زائر کو دل کا دورہ پڑا تاہم بروقت طبی امداد دے کر جان بچا لی گئی۔
اکبار 24 کے مطابق مسجد نبوی ﷺ کے صحن میں ایک پاکستانی زائر کو دل کا شدید دورہ پڑا۔ اطلاع ملنے پر ہلال احمر کی امدادی ٹیموں نے جائے وقوعہ پر پہنچ کر مریض کو بروقت طبی امداد فراہم کرکے جان بچائی۔
فوری طورپر ابتدائی طبی امداد ملنے کے بعد مریض کی حالت قدرے بہتر ہوئی، جس کے بعد اسے بلا تاخیر اسپتال منتقل کردیا گیا، جہاں ڈاکٹروں کی ٹیم نے تفصیلی معائنہ کرنے کے بعد مریض کی اینجوپلاسٹی کر دی۔
