مشرق وسطیٰ میں نیا تنازعہ روکنے کی کوشش کیلئے امریکا اور ایران کے درمیان مذاکرات آج عمان میں ہوں گے۔
غیر ملکی میڈیا رپورٹ کے مطابق امریکا اور ایران کے درمیان مذاکرات آج عمان میں ہوں گے، مذاکرات کا محور نئی نیوکلیئر ڈیل ہوگا۔
ایرانی میڈیا کا کہنا ہے کہ وزیر خارجہ عباس عراقچی اور امریکی ایلچی اسٹیووٹکوف بلواسطہ مذاکرات کریں گے، دوسری جانب وائٹ ہاؤس کی ترجمان کیرولائن لیویٹ کا کہنا ہےکہ امریکا ایران براہ راست بات چیت ہوگی۔
امریکی صدر کے مندوب برائے مشرق وسطیٰ اسٹیووٹکوف روس کے صدر سے ملاقات کے بعد ایرانی حکام سے مذاکرات کیلئے عمان پہنچ گئے۔
اسٹیووٹکوف نے اپنے بیان میں کہا کہ ایران کے معاملے پر صدر پیوٹن کی بھی مدد لی جاسکتی ہے۔
واضح رہے صدر ٹرمپ نے ایران کو جوہری پروگرام محدود کرنے کے لیے دو ماہ کی مہلت دی تھی، ٹرمپ نے کہا تھا کہ اگر بات چیت ناکام ہوئی تو فوجی کارروائی ہو گی جس کی اسرائیل قیادت کرے گا۔
