اداکارہ ماریہ ملک نے ڈرامہ سیریل ’شکوہ‘ کے سیٹ سے زرون اور ثانیہ کی تصاویر شیئر کردیں۔
اے آر وائی ڈیجیٹل کے ڈرامہ سیریل ’شکوہ‘ میں سمیع خان (زرون)، ماریہ ملک (ثانیہ)، یشما گل (کرن)، عاصم محمود، عثمان پیرزادہ ودیگر اداکاری کے جوہر دکھا رہے ہیں۔
شکوہ کی ہدایت کاری کے فرائض محمد دانش بہلم نے انجام دیے ہیں جبکہ اس کی کہانی نادیہ احمد نے لکھی ہے۔
تاہم ماریہ ملک نے سمیع خان کے ساتھ سیٹ سے تصاویر شیئر کیں جس میں انہیں شادی کے موقع پر خوبصورت لباس میں دیکھا جاسکتا ہے۔
اداکارہ نے ہاتھوں میں گجرے میں پہن رکھے ہیں۔
انہوں نے کیپشن میں اپنے کردار کا نام ’ثانیہ‘ لکھا اور ساتھ ہی کہا کہ ’شکوہ‘ کو پیر سے جمعہ کی رات 9 بجے دیکھیں۔
واضح رہے کہ شکوہ میں ثانیہ اور کرن کو دوست دکھایا گیا ہے لیکن کرن آگے چل کر انہیں دھوکا دیں گی جبکہ سمیع خان، ثانیہ سے محبت کرتے ہیں اور ان سے شادی کرنا چاہتے ہیں۔
یاد رہے کہ ماریہ ملک اس سے قبل ڈرامہ سیریل ’دل ہی تو ہے‘ میں مرکزی کردار نبھا چکی ہیں جس میں ان کے ساتھ لیڈ رول میں علی انصاری موجود تھے۔
سمیع خان نے بھی ڈرامہ سیریل ’تقدیر‘ میں علیزے شاہ کے ساتھ مرکزی کردار ادا کیا تھا۔
