راولپنڈی: خیبرپختونخوا میں دو الگ انٹیلیجنس بیسڈ آپریشن کے دوران 6 خوارج ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں انٹیلیجنس بیسڈ آپریشن میں 5 خوارج ہلاک ہوگئے۔
جنوبی وزیرستان میں انٹیلیجنس بیسڈ آپریشن میں خوارج ذبیح اللہ عرف ذاکران ہلاک ہوا۔
ترجمان پاک فوج کا کہنا ہے کہ ہلاک دہشت گرد فورسز اور بے گناہ شہریوں کی ٹارگٹ کلنگ میں ملوث تھا، ہلاک دہشتگرد قانون نافذ کرنے والے اداروں کو مطلوب تھا۔
یہ پڑھیں: سوات میں سیکیورٹی فورسز کے آپریشن میں 4 خوارج مارے گئے
آئی ایس پی آر کا کہنا ہے کہ علاقے میں خوارج کے خاتمے کے لیے سینیٹائز آپریشن کیا جارہا ہے، فورسز ملک سے دہشت گردی کی لعنت کو ختم کرنے کے لیے پرعزم ہیں۔
واضح رہے کہ تین روز قبل سیکورٹی فورسز اور قانون نافذ کرنے والے اداروں نے خوارج کی موجودگی کی اطلاع پر ضلع سوات میں انٹیلی جنس بیسڈ مشترکہ آپریشن کیا تھا جس کے نتیجے میں 4 خوارج مارے گئے تھے۔
آئی ایس پی آر کے مطابق ہلاک ہونے والے خوارج کے قبضے سے اسلحہ اور گولہ بارود بھی برآمد ہوا، ہلاک خوارج علاقے میں دہشت گردی کی متعدد کارروائیوں میں ملوث تھے۔
