کراچی : لیاقت آباد ندی سے بچی کی لاش ملنے کے واقعے کی تحقیقات میں پولیس کو اہم ثبوت مل گئے، جس سے ڈیٹا ریکور کرنے کی کوشش کی جارہی ہے۔
تفصیلات کے مطابق کراچی کے علاقے لیاقت آباد ندی سے بچی کی لاش ملنے کے واقعے کی تحقیقات جاری ہے۔
تفتیشی ٹیم کی جانب سے مقتولہ بچی کے گھرسرچ آپریشن کیا گیا ، مقتولہ بچی کے گھر سے زیر حراست ملزم فیاض کا ٹوٹا ہوا فون مل گیا، ٹوٹے ہوئے فون میں ڈیٹاریکورکرنےکی کوشش کی گئی، فون میں آخری تین دن کا ریکارڈ موجود نہیں ہے۔
پولیس کا کہنا تھا کہ ٹیکنیکل ٹیم کے مطابق آخری تین دن کا ڈیٹا ڈیلیٹ کیا گیا، کوشش کر رہے ہیں کہ ڈیٹا ریکور ہو جائے، انفارمرکی جانب سے فیاض کے موبائل میں مواد ہونے کا بتایا گیا۔
حکام نے کہا کہ ذرائع سے پتہ چلا تھا کہ موبائل فون بچی کے گھر پر ہے، ملزم کے موبائل فون میں بچی کی تصاویر تھی اور فیاض کے بیانات میں ہر جگہ تضاد ہے، قریبی رشتے دار ہونے کے باوجود ملزم نے بچی کے جنازے میں شرکت نہیں کی۔
پولیس کے مطابق سی سی ٹی وی فوٹیج میں آخری مرتبہ بچی ملزم فیاض کے ساتھ دیکھی گئی، ملزم کا ڈی این اے سیمپل حاصل کرلیا گیا۔
یاد رہے بچی کی لاش بدھ کو ندی سے ملی تھی اور پوسٹ مارٹم رپورٹ میں بچی سےزیادتی کی تصدیق ہوئی تھی۔
