پی ایس ایل 10 میں ملتان سلطانز کے بولر عبید شاہ کے وکٹ لینے پر عثمان خان نے انہیں دور جانے کا کہہ دیا۔
ملتان میں کھیلے جارہے میچ میں ملتان سلطانز نے پہلے بیٹںگ کرتے ہوئے مقررہ اوورز میں 5 وکٹوں کے نقصان پر 159 رنز بنائے اور اسلام آباد یونائیٹڈ کو جیت کے لیے 160 رنز کا ہدف دیا۔
عثمان خان 61 رنز بنا کر نمایاں رہے، کپتان محمد رضوان 36 اور یاسر خان نے 29 رنز کی اننگز کھیلی۔
افتخار احمد 10 رنز بنا کر جیسن ہولڈر کا نشانہ بنے، مائیکل بریسیول نے 9 رنز بنائے۔
PSL 10- پی ایس ایل کی تمام خبریں
اسلام آباد یونائیٹڈ کی جانب سے محمد نواز، جیسن ہولڈر اور شاداب خان نے ایک، ایک وکٹ حاصل کی ہے۔
جب اسلام آباد یونائیٹڈ کی اننگز کا آغاز ہوا تو عبید شاہ نے 22 رنز پر صاحبزادہ فرحان کی وکٹ حاصل کی اور جشن منانے کے لیے آگے بڑھے۔
ویڈیو میں دیکھا جاسکتا ہے کہ عثمان خان نے عبید شاہ کو قریب آنے نہیں دیا اور مسکراتے ہوئے انہیں دور جانے کا کہہ دیا۔
View this post on Instagram
واضح رہے کہ گزشتہ روز جب عبید شاہ نے سیم بلنگز کی وکٹ لی تو انہوں نے غلطی سے عثمان شاہ کے سر پر ہی ہاتھ مار دیا تھا جس کے سبب وہ نیچے گر گئے تھے۔
