راولپنڈی: خیبرپختونخوا میں 3 انٹیلیجنس بیسڈ آپریشن میں 15 خوارج مارے گئے اور 2 جوان شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق فورسز نے ضلع کرک میں انٹٰلیجنس بیسڈ کارروائی کی جس کے نتیجے میں 8 خوارج ہلاک ہوگئے۔
شمالی وزیرستان میں کارروائی کے دوران 4 خوارج ہلاک ہوگئے، دہشت گردوں سے بہادری سے لڑتے ہوئے لانس نائیک عثمان مہمند اور سپاہی عمران خان شہید ہوئے۔
جنوبی وزیرستان کے علاقے گومل زام میں کارروائی کے دوران 3 خوارج مارے گئے۔
یہ پڑھیں: بنوں میں سیکیورٹی فورسز کے آپریشن میں 6 خوارج مارے گئے
ترجمان پاک فوج کا کہنا ہے کہ ہلاک خوارج دہشت گردی میں ملوث تھے، اسلحہ اور گولہ بارود برآمد کیا گیا ہے۔
آئی ایس پی آر کا کہنا ہے کہ سیکیورٹی فورسز دہشت گردی کی لعنت کو ختم کرنے کے لیے پرعزم ہیں، ہمارے بہادر سپاہیوں کی قربانیاں عزم کو مزید مضبوط کرتی ہیں۔
گزشتہ روز بنوں میں سیکیورٹی فورسز کے انٹیلیجنس بیسڈ آپریشن میں 6 خوارج مارے گئے تھے۔
سیکیورٹی فورسز نے خوارج کی موجودگی کی اطلاع پر بنوں میں انٹیلیجنس بیسڈ آپریشن کیا تھا آپریشن کے دوران فائرنگ کے تبادلے میں 6 خوارج ہلاک اور 4 زخمی ہوگئے تھے۔
