زیارت : بلوچستان کے ضلع زیارت سے 7 افراد کی لاشیں برآمد ہوئی، ڈپٹی کمشنر کا کہنا ہے تحقیقات کےبعد حقائق معلوم ہوں گے۔

تفصیلات کے مطابق بلوچستان کے ضلع زیارت کے علاقے کوانچی ڈیم چوتیر سے سات افراد کی لاشیں ملی ہیں۔

ڈپٹی کمشنر کا کہنا ہے ریسکیو ٹیموں نے لاشوں کو اسپتال منتقل کردیا ہے ، جہاں ان کی شناخت کی جائے گی۔

ڈپٹی کمشنر نے مزید کہا کہ واقعے کی تحقیقات کےبعد حقائق معلوم ہوں گے۔

یادرہے گذشتہ سال بولان کے قریب پہاڑ سے 6 لاشیں برآمد ہوئی تھیں، جس میں چار افراد کو گولیاں مار کر قتل کیا گیا تھا۔

ایس ایس پی کچھی دوست محمد بگٹی نے بتایا ھا کہ کچھی کے علاقے کولپور میں رات کو جو ریلوے پل دھماکے سے اڑایا گیا تھا، اس کے ملبے تلے 2 افراد کی لاشیں ملیں۔

دوست محمد بگٹی کا کہنا تھا کہ پل سے چند گز کے فاصلے پر قومی شاہراہ کے قریب ہی چار مزید لاشیں بھی برآمد ہوئیں جنہیں گولیاں مارکر قتل کیا گیا ہے۔