کراچی : کچرا چنے والے سات افغان باشندوں کو گرفتار کرلیا گیا اور ایف آئی آر درج کرکے ہر ایک پر پچاس پچاس ہزار روپے جرمانے کا اعلان کیا۔

تفصیلات کے مطابق ڈپٹی لمشنر ضلع وسطی طحہ سلیم کی ہدایت پر کچرا چنے والےغیرقانونی افغانیوں کے خلاف کارروائی کی۔

اسسٹنٹ کمشنر نارتھ ناظم آباد حمیراحمد کی زیر نگرانی آپریشن میں 7 افغان باشندوں کو گرفتار کیا گیا۔

حمیراحمد کا کہنا تھا کہ افغان باشندے سالڈ ویسٹ ادارے کے نام پر کچرا اٹھا رہے تھے، 7 افغانیوں کو گرفتار کر کے 4 گاڑیاں تحویل میں لے لی ہیں ۔

اسسٹنٹ کمشنر نے کہا کہ تیموریہ تھانے میں ایف آئی آر درج اور گاڑیاں حیدری تھانے میں بند ہیں جبکہ گرفتار ہر افغان باشندے پر 50،50 ہزار روپے جرمانہ عائد کیا گیا ہے۔

اسسٹنٹ کمشنر نارتھ ناظم آباد کا مزید کہنا تھا کہ بسم اللہ خان اس گروپ کا سرغنہ ہے، جس کی تلاش جاری ہے، سندھ سولڈ ویسٹ کو ان افغانیوں کی وجہ سے مشکلات کا سامنا تھا۔