اسلام آباد : پاکستانی تجزیہ کاروں اور صحافیوں کو بھارتی چینلز پر مدعو کرنے پر پابندی عائد کردی گئی، گزشتہ روزاحمد حسن عربی نے ارنب گوسوامی کے شو میں تلخ حقائق بیان کئے تھے۔
تفصیلات کے مطابق پہلگام فالس فلیگ آپریشن کے بعد بھارتی وزیراعظم آفس نے بھارتی میڈیا کوخصوصی ہدایات کی ، جس میں پاکستانی تجزیہ کاروں و صحافیوں پر بھارتی چینلز پر مدعو کرنے پر پابندی کی ہدایت کی ہے۔
آر ٹی ای نیوز نے بتایا کہ مودی نے بھارتی میڈیا کو پاکستانی تجزیہ کاروں اور صحافیوں کو مدعو کرنے سے روکا ہے۔
بھارتی میڈیا کو پاکستانی اپوزیشن پارٹیز کے لیڈرز کو شو میں بلانے کی ہدایت کردی گئی تھی تاہم گزشتہ روز احمد حسن عربی نے ارنب گوسوامی کے شو میں تلخ حقائق بیان کئے تھے۔
مودی سرکار بوکھلاہٹ کا شکار، اے آر وائی نیوز سمیت 16 پاکستانی یوٹیوب چینلز پر پابندی
اس سے قبل بھارت میں اے آر وائی نیوز سمیت سولہ پاکستانی یوٹیوب چینلز کو بلاک کیا گیا تھا۔
بھارتی میڈیا کا کہنا تھا ان چینلز نے بھارت کے فالس فلیگ آپریشن سمیت دیگر جھوٹے دعوؤں کی قلعی کھول کر رکھ دی تھی، جس کے بعد بھارت کو سچ اور حقائق بھارتی فوج اور سیکیورٹی اداروں کے خلاف جھوٹ لگنے لگے۔
خیال رہے پہلگام واقعے کی حقیقتیں آشکار کرنے پر بھارتی میڈیا تلملا گیا ہے اور کہا جارہا ہے کہ مقبوضہ کشمیرمیں ہوئے واقعے پر جھوٹا اور گمراہ کن بیانیہ پیش کیا جا رہا ہے لیکن اس کی مثال پیش نہیں کی گئی۔
تجزیہ کاروں کا کہنا تھا کہ بھارت میں پاکستانی چینلز پرپابندی مودی سرکار کی اپنی ناکامیوں اوراندرونی تضادات کو چھپانے کی کوشش جاری ہے۔
