رہنما تحریکِ خالصتان گرپتونت سنگھ پنوں کا کہنا ہے بھارت پاکستان پر حملہ کرتا ہے تو یہ بھارت اور مودی کی آخری جنگ ہوگی۔

سکھوں کی عالمی تنظیم سکھ فارجسٹس کے سربراہ اور خالصتان تحریک کے سرکردہ رہنما گرپتونت سنگھ پنوں نے کہا ہے کہ پنجاب بھارتی تسلط سے آزاد ہوگا اور نیا ملک بنے گا۔

انہوں نے کہا کہ بھارتی پنجاب پاکستان کیساتھ ریڑھ کی ہڈی بن کرکھڑا ہے،  پاکستان اقوام متحدہ میں خالصتان ریفرنڈم کی تحریک ڈالے۔

رہنما تحریکِ خالصتان گرپتونت سنگھ پنوں نے مزید کہا کہ پاک آرمی کیلئے بھارتی پنجاب میں لنگر لگائیں گے، بھارتی فوج کا ہم مقابلہ کریں گے۔

سکھوں کی عالمی تنظیم سکھ فارجسٹس کے سربراہ اور خالصتان تحریک کے سرکردہ رہنما گرپتونت سنگھ پنوں نے مزید کہا کہ بھارتی پنجاب کینٹ ایریا میں وال چاکنگ ہورہی ہے سکھ پاکستان کیخلاف مت لڑیں۔

مزید پڑھیں : بھارتی فوج کو پنجاب سے گزرنے دیں گے، گرپتونت سنگھ

یاد رہے کہ اس سے قبل گرپتونت سنگھ پنوں نے ایک ویڈیو پیغام میں پہلگام حملے کو بھارتی خفیہ ایجنسی (را) کا فالس فلیگ آپریشن قرار دیا تھا۔

گرپتونت سنگھ پنوں نے کہا تھا کہ ہم بھارتی فوج کو پنجاب سے گزر کر پاکستان پر حملہ نہیں کرنے دیں گے، پاکستان کا نام ہی پاک ہے، ہم 2 کروڑ سکھ پاکستان کے ساتھ کھڑے ہیں۔