وزیردفاع خواجہ آصف نے کہا ہے کہ بھارتی حملےکو دیکھ کر پاکستان اپنا ردعمل دے گا جس طرح کا بھارت کا عمل ہو گا اسی طرح کاردعمل دیا جائےگا، کسی کو شک نہیں ہونا چاہیے بھارت کو بھرپور جواب دیں گے۔
پارلیمنٹ ہاؤس کے باہر میڈیا سے گفتگو کرتے ہوئے وزیر دفاع نے کہا کہ جیسے جیسے وقت گزر رہا ہے حملےکے خطرات بڑھ رہے ہیں دوست اور پڑوسی ممالک، خطےکی بڑی طاقتیں ثالثی کا کردار ادا کر رہی ہیں دوست ممالک چاہتے ہیں کہ جنگ کی صورتحال نہ بنے اللہ کرے دوست ممالک کی کوششوں سے بھارت کو کچھ عقل آئے۔
وزیردفاع نے کہا کہ وزیراعظم نے واضح کیا پہلگام واقعےکی بین الاقوامی سطح پر تحقیقات کرائی جائیں عالمی تحقیقات کے مطالبے پر بھارت نے کوئی جواب نہیں دیا بھارت نے تحقیقات پر جواب نہیں دیا اسکا مطلب دال میں کچھ کالاہے۔
ان کا کہنا تھا کہ بی جےپی کو ووٹوں کی ضرورت ہوتی ہے وہ پاکستان کو مسئلے میں شامل کرتا ہے ہماری طرف سے جنگ کا آغاز نہیں ہو گا لیکن اگر مسلط کی تو بھرپور جواب دیں گے بھارت جتنی طاقت استعمال کریگا اس سے زیادہ طاقت سےہم جواب دیں گے۔
