اقوام متحدہ میں پاکستان کے مستقل مندوب نے کہا کہ او آئی سی اراکین نے حکومت پاکستان اور پاکستانی عوام سے اپنی مکمل حمایت اور یکجہتی کا اظہار کیا۔
تفصیلات کے مطابق قوام متحدہ میں پاکستان کے مستقل مندوب عاصم افتخار نے او آئی سی کے سفیروں سے ملاقات کی اور انہیں جنوبی ایشیا کی تازہ ترین صورتحال سے آگاہ کیا۔
پاکستانی مندوب نے سفراء کو بتایا کہ بھارتی غیر ذمہ دارانہ اور اشتعال انگیز رویے سے خطے کے امن و استحکام کو سنگین خطرات لاحق ہیں۔
او آئی سی کے سفراء نے پاکستانی حکومت اور عوام کی مکمل حمایت اور یکجہتی کا اظہار کیا، انہوں نے کہا دونوں ممالک میں سفارت کاری سے کشیدگی میں کمی کی ضرورت ہے۔
سفراء نے مسئلہ کشمیر کو سیکیورٹی کونسل اور او آئی سی قراردادوں کے مطابق حل کرنے پر زور دیا ہے۔
View this post on Instagram
