خیبر پختونخوا کے ضلع کوہستان لوئر میں گاڑی کھائی میں جاگری جس کے نتیجے میں خواتین اور بچوں سمیت 8 افراد جاں بحق ہوگئے۔

تفصیلات کے مطابق لوئر کوہستان میں شاہراہ قراقرم پر مٹہ بانڈہ کے قریب ایک ٹریفک حادثہ پیش آیا ہے، حادثے میں 3 خواتین  اور بچوں سمیت 8 افراد جاں بحق  ہوگئے۔

ریسکیو 1122 کے مطابق حادثے کا شکار گاڑی راولپنڈی سے گلگت جارہی تھی جبکہ جاں بحق ہونے والوں کا تعلق راولپنڈی کے ایک ہی خاندان سے ہے۔

حکام کا کہنا ہے کہ ریسکیو ٹیمیں مقامی افراد کے ساتھ مل کر لاشیں نکالنے میں مصروف ہیں، لاش میں 2 خواتین 5 بچے اور ایک مرد شامل ہے۔