بھارت نے پاکستان کی جانب سے جوابی کارروائی کے خوف سے اپنے مزید ایئرپورٹس کو بند کردیا ہے، جس کے بعد بھارت کے بند ہونے والے ایئرپورٹس کی تعداد 27 تک پہنچ گئی ہے۔
غیر ملکی ذرائع ابلاغ کے مطابق بھارت نے مزید 16 ایئرپورٹس فلائٹ آپریشن کیلیے بند کر دیے ہیں، ایئرپورٹس کی بندش سے آج 430 بھارتی ایئرلائنز کی پروازیں منسوخ ہوئیں۔
انڈیا کے بند ہونے والے ہوائی اڈوں میں امرتسر، جموں، شملہ، بھوج، راجکوٹ، جیسلمیر،جودھپور، چندی گڑھ، پٹھان کوٹ، پھٹنڈا، دھرم شالہ، پوربندر ایئرپورٹس کمرشل پروازوں کیلئے بند کردیئے گئے ہیں۔
اس کے علاوہ جامن گڑھ، سری نگر، لیہہ تھیوس، پٹیالہ، ہلوارا، گگال، بھونتار، کشن گڑھ، بیکانیر،گوالیارہندن، مندرا، کنڈالا، کیشوڑلدھیانہ ہوائی اڈے بھی 10 مئی تک بند کردیئے ہیں۔
واضح رہے کہ بھارتی افواج کی جانب سے رات کی تاریکی میں آزاد کشمیر اور پنجاب کے مختلف علاقوں میں کی گئی بزدلانہ کارروائی کے بعد پاک فوج نے بھارتیوں کے ہوش ٹھکانے لگادیے۔ بھارت کو بزدلانہ کارروائی کے نتیجے میں شدید نقصان اٹھانا پڑا۔
بھارتی حملوں میں کوٹلی، مظفرآباد، باغ، مریدکے اور احمد پور شرقیہ کے شہری علاقوں کو نشانہ بنایا گیا، جس میں 2 مساجد شہید، ایک بچی سمیت 26 پاکستانی شہید اور 36 زخمی ہوئے۔
پاک بھارت کشیدگی سے متعلق تمام خبریں
بھارت نے لائن آف کنٹرول پر پاکستان کی جوابی کارروائی کے بعد سفید جھنڈا لہرا کر پسپائی اختیار کی۔ صورتحال کشیدہ ہونے کے بعد بھارت کے کئی بڑے ہوائی اڈوں پر فلائٹ آپریشن معطل کر دیا گیا ہے۔
