نئی دہلی: بھارت کے شکست خوردہ وزیر اعظم نریندر مودی کے قوم سے خطاب پر ماہرین نفسیات کا دل چسپ تجزیہ سامنے آیا ہے، معرکہ مرصوص میں تاریخی شکست کے بعد مودی شدید بوکھلاہٹ کا شکار ہو چکا ہے، مودی نے اپنی ہزیمت چھپانے کے لیے خطاب کے نام پر پرانی گیدڑ بھبھکیوں کو دہرایا۔
ماہرین نفسیات کے مطابق نریندر مودی کی تقریر ایک شکست خوردہ شخص کی تقریر تھی، مودی قوم سے خطاب کے دوران شدید خوف کا شکار دکھائی دیے، تقریر کے دوران انھوں نے پاکستان پر روایتی الزامات کو دہرایا۔
ماہرین نفسیات کا کہنا ہے کہ قوم سے خطاب کے دوران مودی کی باڈی لینگویج اور چہرے کے تاثرات سے بھارت کی ہار واضح نظر آئی، مودی قوم سے خطاب کے دوران ’’آف کلر‘‘ نظر آئے، مودی کی تقریر نفسیاتی اور طبی لحاظ سے غیر منظم تھی جو شدید اضطراب کی نشان دہی کرتی ہے۔
ماہرین نفسیات کے مطابق نریندر مودی نے پاکستان کے دریاؤں میں پانی روکنے کا گول مول ذکر کیا، تقریر کے دوران ان کی انگلی مسلسل کانپ رہی تھی۔
مودی کو پاک بھارت جنگ سے کیا توقعات تھیں؟ حقائق سامنے آگئے
ادھر سیاسی تجزیہ کار کہہ رہے ہیں کہ نریندر مودی کی سیاست کے خاتمے کا وقت شروع ہو چکا ہے، دنیا اس بات کی گواہی دے چکی ہے کہ پاکستان سے جنگ پر بھارت کو بڑی ذلت کا سامنا کرنا پڑا ہے، مودی کے جو جھوٹے دعوے، نعرے اور ناپاک عزائم تھے، وہ سب چکنا چور ہو گئے ہیں۔
سیاسی تجزیہ کار کے مطابق بھارتی عوام اور اپوزیشن دونوں اب نریندر مودی کے خلاف ہو چکے ہیں، جس طرح پاکستان کی عوام پاک فوج کے حق میں باہر نکلی ہے، اسی طرح بھارتی عوام مودی کے خلاف باہر نکل آئی ہے، پاک بھارت جارحیت سے جتنی خوشی پاکستان کو ہوئی ہے اس سے کئی گنا زیادہ دکھ بھارت کو ہوا ہے۔
سیاسی تجزیہ کار کے مطابق مودی اب کتنا عرصہ اقتدار میں رہتے ہیں اس کا فیصلہ وقت کرے گا، پاکستان نے بھارت کو جنگ کے دوران شکست سے دوچار کیا جو مودی کے لیے شرمندگی کا باعث بن چکا ہے۔
