بیٹی نے والدہ کی طلاق کا جشن منا لیا جس کی ویڈیو سوشل میڈیا پر وائرل ہوگئی۔
طلاق کی شدت کو صرف وہی لوگ سمجھتے ہیں جو اس سے گزر چکے ہیں، بعض اوقات جوڑے کو بدترین دور سے گزرنے پر بھی ساتھ رہنے پر مجبور کیا جاتا ہے، طلاق کی شرح میں اضافہ اس لیے بھی ہورہا ہے کہ خواتین نے آواز اٹھانا شروع کردی ہے۔
حال ہی میں ایک لڑکی نے بتایا کہ کس طرح اس کی والدہ نے شادی کے 30 سال بعد طلاق لے لی۔
یہ پڑھیں: بے وفا شوہر سے طلاق پر خوشی سے نہال خاتون کا منفرد جشن
لڑکی کے مطابق والدہ ایک ٹاکسک رشتے میں تھیں اور جب ان کی طلاق ہوئی تو گھر والوں نے اسے جشن کے طور پر منایا، خاتون اب خوش ہیں کیونکہ وہ آخرکار آزاد ہیں۔
پوسٹ کے وائرل ہونے کے بعد سوشل میڈیا صارفین نے بھی اس پر اپنی رائے کا اظہار کیا۔
View this post on Instagram
کچھ لوگوں نے اس بات کو سراہا کہ خاندان نے اس کا جشن منایا جبکہ دوسروں کا خیال ہے کہ اسے نہیں منایا جانا چاہیے تھا کیونکہ اللہ کی جانب سے طلاق کو سب سے زیادہ ناپسندیدہ سمجھا جاتا ہے۔
ایک صارف نے کہا کہ جب آپ تکلیف دہ صورتحال سے باہر آجائیں تو جشن منانا اچھا ہے۔
دوسرے صارف نے لکھا کہ طلاق کا جشن منانا اور اسے سوشل میڈیا پر ڈالنا غلط ہے چاہے اس کے پیچھے جو بھی وجہ تھی۔ ایک اور نے مزید کہا کہ میں طلاق کا جشن منانے سے اتفاق نہیں کرتا لیکن میں کسی اور کے درد کا اندازہ نہیں لگا سکتا۔
