صوبہ خیبر پختونخوا میں فورسز نے بھرپور کارروائیاں کرتے ہوئے بھارتی حمایت یافتہ 9 خوارج کو واصل جہنم کر دیا ہے۔
آئی ایس پی آر کے مطابق خیبر پختونخوا میں فورسز نے بھرپور کارروائیاں کرتے ہوئے بھارتی حمایت یافتہ 9 خوارج کو ہلاک کر دیا ہے۔ یہ کارروائیاں لکی مروت، بنوں، میر علی کے علاقوں میں کی گئیں۔
لکی مروت میں انٹیلی جنس بیسڈ آپریشن میں 5 دہشت گردوں کو جہنم واصل کیا گیا جب کہ بنوں میں سیکیورٹی فورسز کی دوسری کارروائی میں دو خوارج مارے گئے۔
ترجمان آئی ایس پی آر کے مطابق شمالی وزیرستان کے علاقے میر علی میں دہشت گردوں نے فورسز کے قافلے پر حملہ کیا۔ سیکیورٹی فورسز نے اس حملے کا موثر جواب دیا۔ اس کارروائی میں 2 خوارج کو ہلاک کیا گیا۔
میر علی مقابلے میں دو جوان فرحان علی طوری اور صابر آفریدی شہادت کا رتبہ پایا۔
آئی ایس پی آر کی جانب سے جاری بیان میں کہا گیا ہے کہ شہدانے وطن کی خاطر جانوں کا نذرانہ دے کر دہشت گردی کیخلاف افواج پاکستان کے عزم کو مضبوط کیا ہے۔ بھارتی پراکسیز اور خوارج کے خلاف جنگ جاری رہےگی۔ پاک فوج کا علاقے میں سرچ اور کلیئرنس آپریشن، دہشت گردوں کا مکمل صفایا کیا جائے گا۔
