نئی دہلی: بھارت میں کانگریس نے بی جے پی کے آئی ٹی سیل کے سربراہ امیت مالویہ اور گودی میڈیا کے نام نہاد صحافی ارنب گوسوامی کے خلاف غلط خبریں پھیلانے پر مقدمہ درج کروا دیا۔
انڈین میڈیا کے مطابق ہائی گراؤنڈز پولیس اسٹیشن میں امیت مالویہ اور ارنب گوسوامی کے خلاف مقدمہ انڈین یوتھ کانگریس کے قانونی سیل کے سربراہ شری کانت سوروپ کی شکایت پر درج کیا گیا۔
شری کانت سوروپ نے امیت مالویہ اور ارنب گوسوامی پر واضح طور پر جھوٹی خبریں پھیلانے کیلیے ایک گھناؤنی اور مجرمانہ مہم کے ماسٹر مائنڈ ہونے کا الزام لگایا۔
Time to face the music pic.twitter.com/HiFtc6W1nn
— Supriya Shrinate (@SupriyaShrinate) May 20, 2025
یہ بھی پڑھیں: ارنب گوسوامی کی بے ایمانی بے نقاب، اہم راز دار نے بھانڈا پھوڑ دیا
کانگریس رہنما نے کہا کہ ملزمان نے بدنیتی سے من گھڑت دعوے کیے کہ ترکیہ میں استنبول کانگریس سینٹر انڈین نیشنل کانگریس کا دفتر ہے۔
شری کانت سوروپ نے کہا کہ یہ عمل بھارتی عوام کو دھوکہ دینے، ایک بڑی سیاسی جماعت کو بدنام کرنے، جذبات سے کھلواڑ کرنے، عوامی بے چینی کو بھڑکانے اور قومی سلامتی و جمہوری سالمیت کو نقصان پہنچانے کے واضح اور ناقابل تردید مجرمانہ ارادے کے ساتھ انجام دیا گیا۔
Shut up you cowards
And get ready to face the music https://t.co/Swnyb9JO92
— Supriya Shrinate (@SupriyaShrinate) May 20, 2025
انہوں نے یہ بھی نشاندہی کی کہ یہ واقعہ بھارت اور ترکیہ کے کشیدہ تعلقات کے درمیان پیش آیا، امیت مالویہ اور ارنب گوسوامی کے اقدامات بھارتی جمہوری بنیادوں، عوامی تحفظ اور قومی سلامتی پر ایک بے مثال حملہ ہے۔
کانگریس رہنما نے پریس کونسل آف انڈیا، وزارت اطلاعات و نشریات، سی بی آئی اور دیگر ایجنسیوں پر زور دیا کہ وہ اس شکایت کو ہنگامی طور پر دیکھیں۔
