فیلڈ مارشل سید عاصم منیر کی زیرصدارت 270ویں کورکمانڈرز کانفرنس کا انعقاد ہوا، بنیان مرصوص، خضدار میں حملے کے شہدا کیلئے فاتحہ خوانی کی گئی۔
اے آر وائی نیوز کے مطابق آئی ایس پی آر نے جاری بیان میں بتایا کہ کور کمانڈر کانفرنز میں آپریشن بنیان مرصوص اور خضدار میں دہشت گرد انہ حملے کے شہدا کیلئے فاتحہ خوانی کی گئی، شرکا کانفرنس کا کہنا تھا کہ یہ سفاکی بھارت کی پشت پناہی سے چلنے والی پراکسیز کے ذریعے کی گئی۔
شرکا نے کہا کہ بھارتی پراکیسز کی دہشت گردی میں 4 معصوم بچے، 2 بے گناہ شہری شہید ہوئے، نہتے شہریوں اور معصوم بچوں کو دانستہ نشانہ بنانا انسانیت کے بنیادی اصولوں کی خلاف ورزی ہے، نہتے شہریوں، بچوں کو نشانہ بنانا عالمی قوانین کی صریحاً اور قابل مذمت خلاف ورزی ہے۔
آئی ایس پی آر نے بتایا کہ فورم نے معرکہ حق کے شہدا کو زبردست خراج عقیدت پیش کیا، فورم نے کہا کہ شہدا نے بھارت کی بلااشتعال جارحیت کے دوران اپنی جانوں کا قیمتی نذرانہ پیش کیا۔
شرکا نے کہا کہ شہدا کا خون رائیگاں نہیں جائیگا، پاکستانی عوام کا تحفظ افواج کی اولین ترجیح رہےگا، شرکا کانفرنس نے فیلڈ مارشل کی اسٹریٹجک وژن اور غیرمتزلزل قیادت کا اعتراف کیا۔
آئی ایس پی آر نے بتایا کہ شرکا کانفرنس نے فیلڈ مارشل کی قومی دفاع کیلئے مؤثر اور گراں قدر خدمات کا اعتراف کیا، فورم نے آرمی چیف کو فیلڈ مارشل کا اعزاز ملنے پر مبارکباد پیش کی۔
فورم نے اندرونی اور بیرونی سلامتی کے درپیش چیلنجز اور مجموعی سیکیورٹی صورتحال کا جائزہ لیا، فورم نے معرکہ حق کے فیصلہ کن مرحلے آپریشن ’’بنیان مرصوص‘‘ کی کامیاب تکمیل کو سراہا۔
آئی ایس پی آر نے بتایا کہ افواج کی پیشہ وارانہ مہارت، باہمی ہم آہنگی، بلند حوصلے اور قوم کی غیرمتزلزل حمایت کو سراہا گیا، فورم نے پاکستانی میڈیا اور ’’انفارمیشن وارئیرز‘‘ کوبھی سراہا۔
شرکا نے کہا کہ پاکستانی میڈیا، انفارمیشن وارئیر زریاست کے ساتھ قدم ملا کرکھڑے رہے، پاکستانی میڈیا، انفارمیشن وارئیرز بھارتی پروپیگنڈے، جعلی خبروں اور جنگی جنون کیخلاف کھڑے رہے۔
فورم نے پاکستانی نوجوانوں کے جذبے اور متحرک شراکت کو تہہ دل سے سراہا، شرکا نے کہا کہ نوجوانوں کی قومی حب الوطنی، جوش و جذبے نے قومی روح کو اُجاگرکیا۔
آئی ایس پی آر نے بتایا کہ فورم نے پاکستان کے مؤثر اور بروقت دفاعی رسپانس کو مثالی قرار دیا، فورم نے جوابی دفاعی کارروائی کو بہترین، واضح تزویراتی حکمت عملی کا عکاس قراردیا، فورم نے کسی بھی بیرونی جارحیت کا مکمل آپریشنل تیاری سے مقابلہ کرنے کے عزم کا اظہار کیا۔
پاکستان کی خود مختاری اور علاقائی سالمیت کی بقا کیلئے بیرونی جارحیت کا مقابلہ کرنے کا عزم ظاہر کیا گیا، فورم نے اعادہ کیا کہ پاکستان پر دباؤ ڈالنے کی کسی بھی کوشش کو کامیاب نہیں ہونے دیا جائے گا۔
آئی ایس پی آر نے بتایا کہ فورم نے کہا کہ طاقت اور دھمکی آمیز رویے سے پاکستان پر دباؤ کی کوشش کو کامیاب نہیں ہونے دیا جائےگا، فورم نے قومی مفادات کے تحفظ کے لیے تمام ضروری اقدامات اُٹھانے کے عزم کا اعادہ کیا۔
فوج کی تمام فورسز کی تنخواہیں ڈبل اور دفاعی بجٹ بڑھانا پڑے گا: فیصل واوڈا
