لاہور میں وکیل کے ساتھ کتے کے نام پر آن لائن فراڈ ہوگیا۔
اے آر وائی نیوز کے مطابق وکیل زین العابدین نے آن لائن کتا پسند کیا اور ایڈوانس رقم بھی ادا کردی، ڈیلر نے کتے کو پہچاننے کے لیے صارف سے مقام کا تعین کیا۔
بعدازاں وکیل اس مقام پر انتظار کرتا رہ گیا اور ڈیلر ہاتھ نہ آیا، آخر وقت تک کسی نہ کسی بہانے سے ڈیلر اور ڈرائیور وکیل سے رقم اینٹھتے رہے لیکن اسے کتا نہیں ملا۔
وکیل نے بتایا کہ ہماری فیس بک پیج پر بات ہوئی تھی، ایک دو دن تک گفتگو کرنے کے بعد کتا خریدنے کے لیے ریٹ فکس ہوگئے، مارکیٹ سے کم ریٹ پر کتا آن لائن مل رہا تھا۔
زین العابدین کے مطابق ہم نے فراڈسٹر کو چالیس ہزار روپے ٹرانسفر کردیے تھے۔
انہوں نے بتایا کہ ہماری بات ہوئی کہ منگل کو وہ کتا گھر پہنچا دے گا، اس نے ڈرائیور کا نمبر دیا اور کہا کہ وہ رابطہ کرلے گا۔
وکیل نے بتایا کہ ڈرائیور کی کال آئی اور وہ کہنے لگا کہ پولیس والوں نے روک لیا ہے اور ساڑھے 6 ہزار چالان مانگ رہے ہیں اور میں نے اسے چار ہزار روپے بھی دے دیے اور کہا کہ باقی لاڑی اڈہ پہنچ کر لے لینا پھر ہم لاڑی اڈہ پہنچے تو ڈرائیور اور جس سے ڈیل ہوئی تھی ان دونوں کا نمبر بھی بند ہوگیا۔
دوسرے وکیل نصیر کمبوہ نے کہا کہ اس کیس کو منقطی انجام تک پہنچائیں گے تاکہ آن لائن فراڈ کرنے والوں کو بھی سزا مل سکے۔
