متحدہ عرب امارات میں رہنے والوں کے لیے چیٹ جی پی ٹی پلس کی مفت سہولت فراہمی سے متعلق اہم پیش رفت سامنے آئی ہے، دبئی، ابوظہبی، شارجہ سمیت پورے امارات میں چیٹ جی پی ٹی پلس ورژن بلکل فری ہوگا۔
غیر ملکی ذرائع ابلاغ کے مطابق متحدہ عرب امارات پورے ملک کو فری سروس فراہم کرنے والا پہلا ملک بن گیا ہے۔
چیٹ جی پی ٹی پلس پلیٹ فارم کا جدید ترین ورژن ہے جو تیز ترین کارکردگی، بہتر جوابات، اور زیادہ ٹریفک کے اوقات میں بھی ترجیحی رسائی فراہم کرتا ہے۔
واضح رہے کہ گزشتہ برس کینیڈین میڈیا نے اوپن آرٹیفیشل انٹیلیجنس، چیٹ جی پی ٹی کیخلاف مقدمہ دائر کردیا تھا، جس میں کہا گیا تھا کہ سوفٹ ویئر کے استعمال سے کاپی رائٹ کی شرائط توڑی جارہی ہیں۔
ایک حیران کن اقدام کے تحت کینیڈین میڈیا کی جانب سے دنیا بھر میں معروف اے آئی کے حوالے سے معروف سافٹ ویئر چیٹ جی پی ٹی پر مقدمہ دائر کیا اور کہا کہ خبروں کا استعمال کرتے ہوئے کاپی رائٹ کی صریح خلاف ورزی کی جارہی ہے۔
کینیڈین میڈیا کا کہنا تھا کہ چیٹ جی پی ٹی بنانے والے خبروں کا استعمال کرکے کاپی رائٹ کی شرائط کو توڑ رہے ہیں، اے آئی سسٹمز تربیت کیلئے نیوز مواد کا بغیر کاپی رائٹ استعمال کررہے ہیں۔
کیا چیٹ جی پی ٹی طبی ماہرین کا کام بھی کرے گی؟ حیران کن تجربہ
کینیڈا کے نیوز میڈیا کارپوریشنز کے اتحاد کی جانب سے سپریم کورٹ میں اوپن اے آئی کیخلاف درخواست دائر کی گئی تھی۔
کینیڈین میڈیا کی جانب سے آرٹیفیشل انٹیلیجنس ڈیویلپرز سے ہرجانے کے ساتھ ساتھ منافع کی ادائیگی کا مطالبہ بھی کیا گیا۔
